Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera-buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: Penezi, kaj je to?
I: Kune. Euri. Dinari. Marke. Dolari.
D: Pak preteruješ. Jena stvar a…
I: Tak se zoveju penezi, no, šoldi.
D: Zakaj imaju tulike imena?
I: Vsaki orsag ima svoju monetu.
D: Zakaj ste to išli zmišlati?
I: Naj bi zišli ze doba trampe i zavostalosti.
D: Kaj je to trampa?
I: Gda ni bilo penez, ljudi su razmenjivali stvari med sebum. Primera radi ti meni daš deset jabuk a ja tebe dve litre mleka.
D: A jel trampa gda daš krave seno, ona tebe mleko?
I: Trampa je tergovanje med ljudem, bez penezi.
D: Ne razmem.
I: Ljudi menjaju ruške i rakiju za piceka, rečimo, ili vreču kuruze za potkivanje konja.
D: Vi zemalci ste nori. Huncutari. Bedaki. Šupelaki. Priproščaki.
I: Me buš vmoril ze sinonimima, ili kaj? Zakaj dumaš da sme norci?
D: Otkud ja znam zakaj niste spametni? Da se znam smijati bi krepal od te sprdačine…
I: Pobegel si z doma, ni bilo dobre. Sad bi zemlu i zemlane spredelaval? Znaš kaj si ti?
D: Kaj?
I: Jež v gačami.
D: Kak bi za boga miloga znal. Kaj je to jež? Kaj dela v gačami? A je i jažica v gačah?
I: Ježica, ne jažica. Začkomi več jenput. Naj se v zemalsku pulitiku mešati.
D: Gda vidim ko se z zemalsku sudbinu igra, ja sem glavni zgoditek na vesmirske lutrije.
I: Zakaj misliš da si ti bolši nek smo mi? Bi reči – bingo.
D: Kaj je to bingo?
I: To da si najbolši …
D: Nis ja bolši, same nis skvaren, nis matrijalist. Vse pri vami ide na to da se drugome spukne novce z žepa. Z računa. Z kartice. Bi sad rekel od kud vse ne. Sakom bedaku se oče svega jotoka, svoje jažice i svoje banke.
I: Reči mi nekaj novoga! Penezi su zlo, I znaš kaj, pozabi to o jažice.
D: Zakaj? Ak je jež v gačami, zakaj…
I: Same pozabi.
D: Kaj je to jažica?
I: Kaj bi ti zotem? Začkomi več jenput.
D: Same pitam? Buš me poslal nazaj v gnojicu zaradi znatižele?
I: Idemo se spominati o trampe.
D: Gda trampite, od tega nema koristi ni banka ni država. Ak se ja razmem v seks.
I: Daj-naj, kakve to veze ima ze seksom?
D: Znači, nema?
I: Ti si jena obična maslačna furia. Pak mi to delaš!
I: Hičeš me z takta. O čemu sme se spominali?
D: O novcma. I o korupcije.
I: Kaj je to korupcija?
– KRAJ PRVOG DIJELA –
——–
Manje poznate riječi: penezi – novac; šoldi –novac; orsag – država; nor – lud; huncutar – obješenjak; bedak – glupan; šupelak – priprost čovjek; priproščak – budalsta čovjek; norc – poremećen čovjek; maslačan – mahnit; furija – svadljiva osoba; jažica – stidnica.
Autorica: Đurđa Vukelić Rožić