Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera-buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: Kaj delaš?
I: Pišem uplatnicu za alimentaciju.
D: Kaj je to alimentacija?
I: Financiranje deteta.
D: Zakaj?
I: Žena i ja smo razlučeni. Pošilam novce naj bi dete imalo vse kaj treba.
D: A čemu to raspitane? Kaj ni lepo biti v braku?
I: Brak su problemi, treba biti spameten, ljudi dojade jeno drugomu, svadiju se.
D: Onda, zakaj nisi bil spameten?
I: Kaj da ja tebe sad rečem na to? Brak je kanu za par, mora se veslati skupa.
D: Čamec bam se prevrnul? A kak se dojde do braka?
I: Dvoje se pri matičaru potpišeju v teku.
D: A prede braka niks seks?
I: Tak bi trebalo biti.
D: A kaj je to seks?
I: To je ono aj smeš delati gda se oženiš. Potle venčanja se smeš seksati kuliko očeš?
D: Ne razmem, kaj to točno je, to seksanje? Am su zemlani ludi zatim.
I: Seksanje je… seksanje! I lepo je gda traje…
D: A kak dugo traje?
I: Od dve do deset minuti. Kak-kad! Dost o tem vražjem seksanju!
D: Tuliko treba da se naredi dete?
I: Tak je kak je.
D: A kak dugo plačaš za to dete?
I: Petnajst let.
D: Petnajst let plačaš nekaj kaj je bilo lepo dve minute? Toga nigde vu vesmiru ni!
I: Plačam zato kaj volim svoje dete.
D: A kak točno dobiš dete?
I: Rodi se.
D: Kaj je rode ne nose z Afrike?
I: To su pripovetke za vunzemalce.
D: A kak se rodi?
I: Zide z ženskoga dropca. Tam je devet meseci i devet dni.
D: Kaj tam tak dugo dela?
I: Dremle, raste…Mamica ga nosi v trbuhu celo vreme.
D: Vi zemlani ste lenčine i prede nek se rodite.
I: Prigovarjaš mi, ti ja nis dost dober? Am bi ti krevi svoje dal.
D: Ha, ha, kaj če mene tvoja krev? Nek čuj, a kak točno dete dojde v materin drobec?
I: Žena se seksa z mužom, on joj da muško mleko kam treba.
D: Zakaj muški sam ne rodi nek ide patiti ženu zotem?
I: Zato kaj je to tak.
D: Am ste vi muži plašlivci!
I: Se ti šegačiš zdemnu? Muži su muži a babe su babe. Sak dela svoj posel.
D: Niš ne razmem. Gde morem videti to seksanje?
I: Ni mislit, to ni za vunzemalce.
D: Kaj je to vunzemalec?
I: Ti. Začkomi več jenput.
D: Čuuuj, suseda je Marku rekla da bu dobil pakrački dekret. Kaj pa to je?
I: To je gda dobiš z nogu vrit. Otkaza. Moraš otiti proč. To se bu i tebe stalo.
D: A zakaj?
I: Zato kaj mi te je puni kufer! Nečem se več ztebum patiti. Odi seksati strašilo!
D: Kaj je to strašilo?
I: Plašilo!
D: A je si se kad seksal z plašilom?
I: Nis i nebum! Začkomi več jenput!
– KRAJ –
Manje poznate riječi: Razlučene, raspitane – rastava braka; prigovarjati – kuditi; šegačiti se –zbijati šalu.
Autorica: Đurđa Vukelić-Rožić
