Svemirski brod s Mevazutre zabio se u gnoj iza Ivekove staje. Ivek je traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: Ko je ili kaj je vritnogera?
I: (Udara Darka nogom u stražnjicu.) To ti je vritnogera. Vrit z nogum.
D: Sused Marko je babe laprdal da se drži kaj mila gera. Jel to isto kaj i vritno-gera?
I: Ni mislit. Rit je tur, mesto kam dobiš z nogum gda te se neko oče rešiti.
D: A kak se drukčije nekterega rešiš?
I: Daš mu pakrački dektret.
D: A jel? Vi zemalci se ne znate rešiti koga nečete vuz se. Neču pitati kaj je …
I: Ni mislit. Mi smo kaj voli, čkomimo i kola vlečemo. Dokle-dotle.
D: Kaj je to vol?
I: Govedo srednjega roda kaj dela na poloprivrede.
D: Kaj je to srednji rod?
I: Oni kteri su ni muško ni žensko. Ni bik, ni krava.
D: Nebinarni?
I: Ne bi se tu štel mešati. Jezuš i Marija, buš več jenput prestal zanovetati? Idemo si malo jegera i luka požmaknuti! Gemišteca spiti …
D: A od čega se dela te jeger?
I: Od mlevenoga mesa.
D: Kterega mesa?
I: Govedine, svinetine …
D: Znači… Kravica ti zabadav daje belu vodu, voleki vlečeju kola, konji oreju pole, skoriščavleš je. Decu im zemeš i prodaš. A nje sfaširaš v jeger? Am … Nemam reči!
I: Tak je kak je. Niko ni rekel da su ljudeki angeli za živlenja. Buju ti čipi i drot v glave pregoreli, naj preveč mudruvati. Stari Gerki su odmudruvali vse.
D: A, jel tebe neko vritnogeral?
I: Je, žena.
D: Zakaj?
I: Zguštirala me je i našla si je drugoga partnera.
D: Borme si dobre prešel, kaj da te je v jegera…
I: Norec jen handrasti! Naj stalno filozoferati, nesi ti stari Grek.
D: A zakaj ja nis stari Grek?
I: Bolše da nisi. Najpametnejši med nima je moral spiti ščemera.
D: Za neveruvati. Vi ljudi ste…
I: Je, čudo smo. Zanovetala zvlačimo z gnojnice da se ne vtope, a najbolših med sebum se rešimo.
D: Nigda te nis pital, zakaj me skrivleš?
I: Morti si vesmirski špeher. Same nam fali merzli rat z vunzemalcima.
D: Kaj je to špeher?
I: Špijun. Mam da si prešel na tavana. Neču te čuti več!
D: Pokorno javlam Darko Bond gre na Jamaika-najžu. Votku z martinijem, pretrešene prosim odma. Na račun hiže.
– KRAJ-
Manje poznate riječi: vol – uškopljen mužjak goveda; žmaknuti – prigristi; faširati – samljeti; norec – šaljivdžija; handrast – luckast; ščemer – otrov; špeher – uhoda.
Autorica: Đurđa Vukelić Rožić
Slika: Pixabay
