Svemirski brod s Mevazutre zabio se u gnoj iza Ivekove staje. Ivek je traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: Kaj to srčeš, vse te je grdo za čuti?
I: Juvu.
D: A kaj je to?
I: Tu je skuvano puno peršuna; list i koren, mrkvica, pečeni crleni i beli luk, celer, malo korabice, cvetek karfiola, list zelja i kelja, šakica graška. Govedsko rebro i frtal čuče.
D: Vse to za šaku žute masne vode?
I: To je hasnovito i lekovito jelo. Naj se ti sprdati z moje prefine juhe.
D: Razmem. Tak je i gnojnica lekovita.
I: Dost mi je tebe i te gnojčine! Daj mi mira da se najem ko čovek!
D: Čuj, a zakaj je ta vruća, žuta voda lekovita?
I: To je antibijotska juhica. Leči sve fele prelade, viroze i gripe. Tepla i slana zgrije telo, čovek se švica, pokrije s tri četiri deke i zaspi. Prebudi se zdravi kaj dren.
D: Prekčera sem čučal pod joblukom suseda Marka, i on je jako prelađen. Žena mu je skuvala rakiju, kaj je žnu čaroberala, nis videl. Dišala je kaj okužena sapa Venere gda sem letal vuz nu. Spil je lonček tega, zamotala ga je s deku na kauču i mam je zaspal. Ni se budil do čera pred večer.
I: Rekli smo da neš špijuniral susede, se sečaš?
D: Pusti susede. Ja se slažem ztebu da je juva puna mineralov i vitamin, a da je antibiotska, to si deni za škrlaka. Nis ja veslo cucal, samo da znaš.
I: Je si se ti gnojčine napil gda ti je raketlin opal v moj gnoj?
D: Jesem.
I: Ona je antibiotik za vas Mevazutrance. Da si bil zdrav ne bi se zabušil na moj grunt.
D: Gnojčina je zakon, al za piti, ne bi preporučal. Tri dana sem imel žgaravicu.
I: Prosim te, truden sem i prelađen. Pusti me na miru.
D: A kak je došlo do toga da juvu zovete antibijotska?
I: Ve ti ga na, pak. Bil jenput jen jako betežen selak. Ni štel piti leke kaj mu je doktor dal. Babica mu je kuvala tri juve na dan, ni mogel niš drugo gutati. V tanjer je na skrivečki metala antibiotike zdroblene v mužaru. Za teden dni je bil kak novi. Otad se juva od stare kokoši zove antibijotska juva.
D: Za zblilam?
I: Ne, hecam se ztebu, bedak jen vunzemalski.
D: Čuj, ak je juva lekovita, ak je moja, oprosti, tvoja gnojnica lekovita, idemo se skup lečiti i greti. Gda se zdube luknja fanj gliboka, gnoj i gnojčina su lepi tepli, makar je vani zima.
I: To ti ne bu prešlo.
D: Ni čudo kaj živiš sam, ko pustinjak, z nikim nemreš.
I: Ti si k mene došel. Reče se: „Fala, Ivek kaj si me zel pod svoj krov.“
D: Fala Ivek, kaj si me zel pod svoj krov. A sad zemi lonec z juvom i šeflu, idemo se skup pacati i lečiti za štalum.
I: Neeeeeeeeejdemo! Tak mi i treba, a stareši su me lepo vučili: „Pomori sirotu na svoju sramotu!“
D: Kaj je to sirota na svoje sramote?
Manje poznate riječi: fele – vrste; švicati se – znojiti se; okužen – otrovan; sapa – para; cucati – sisati.Svemirski brod s Mevazutre zabio se u gnoj iza Ivekove staje. Ivek je traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
Autorica: Đurđa Vukelić Rožić
