VUNZEMALEC V BANKE

Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera-buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.

D: Kaj je to – banka?

I: Zgrada puna lenuha. Sede tam, niš ne delaju, čakaju pemziju.

D: Kak misliš niš ne delaju?

I: Sede kaj kvočke na jajcima. Premečeju tuđe peneze i bogate se.

D: Am toga vu celomu vesmiru ni! Ko je to videl?

I: To je po zakonu.

D: Držim da su si štatute naredili kak nima paše.

I: Je, dele kredite od tuđih penezi.

D: Kaj je to kredit?

I: Rečimo, banka ti posudi 5 jezera eurov na šest let. Vrnuti moraš 6 jezera eurov.

D: Primudro. Je si ti gda dizal kredita?

D: A ko bi mi ga dal? Nemam stalni posel, hižica je stara, štale i štagel samo kaj se ne zruše. Nemaju mi kaj zeti ak ne otplatim duga.

U BANCI, TRI DANA KASNIJE

B: Vi biste digli kredit?

D: Tak je. Kuliko morem dobiti?

B: Morat ćemo procijeniti vaše imanje. Što imate od nekretnina?

D: Hižu, štalu, štagel, 2 rali zemle, vo

nak, vrčak, luknu punu prefine vodice sredi dvorišča. Zlata vredi.

B: Hm. A, od pokretnina?

D: Dve kravice, kobilu, 2 prasice, okraj 50 komada živadi, dva miceka i peseka. Vse jako pokretno, plote moram stalno krpati da se ne odskičeju v selo.

B: Molim ispunite ove obrasce pa ćemo razgovarati.

D: Znate ona luknja z vodu, stalno je puna.

B: Lijepo. Čestitam.

D: To je čudovita voda. Kravice žne delaju belu vodu. Ja naredim sireke i putro, prodam na placu, nekak ide.

B: Drago mi je gospodine Ivo.

D: I imam prefinu gnojnicu. Jako lekovitu, sprobano. Leči vunzemalsku reumu, gnile sinuse, i alergiju na gravitaciju.

B: Oh, doista?

D: Je. Ja i moj partner bi šteli narediti hotela za goste gda se dojdeju lečiti.

B: Ankice… Oprostite, zovem sekretaricu.

D: Anči, dojdi mam sim, gospon bankarec te treba!

B: Možda je na gablecu.

D: Morem vam ja pomoči?

B: Molim vas čašu vode; imam visoki tlak, aritmiju, nitroglicerin je u gornjoj ladici.

D: Žal mi vas je.

B: Molim Vas otvorite prozor … Zraka … Moje srce … Stress …

D: Vas odnesem v gnojčinu, napacate se i vjutro bute kaj novi.

B: Ankicaaaaa!

Sekretarica s dva čuvara ulazi u ured, čuje se sirena hitne pomoći.

KOD KUĆE

I: A gde si ti pri vragu bil?

D: V banke, išel sam iskati kredita za hotela, gda se moji dojdeju lečiti v gnojnicu.

I: Kam ti pamet?

D: Štel sem betežnoga bankarca donesti na lečenje za štalu, taki. Grintavi je skorznasksroz. Am je skoro mrel od strava.

I: Ti i tvoja vunzemalska pamet!

D: Bokčija, bil je jako kulturen i fin zdemnu, ko zna jel preživel …

– KRAJ –

————–

Manje poznate riječi: lenuh – lijenčina; štatuti – zakon; primudro – lukavo; vrnuti – vratiti; štagel – sjenik; betežen – bolestan; grintav – kržljav, bokčija – jadnik.

Autorica: Đurđa Vukelić Rožić