Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu
iz gnojnice i svemircu nadjenuo ime – Darko. Dar s neba. Izvanzemaljskog tinejdžera-
buntovnika okupao je mlazom vode iz sapnice kojom je inače prao staje i svinjce. Darko se ubrzo
oporavio od pada i svladao gravitaciju i kajkavicu, globalni zemaljski jezik.
D: Kaj je to Godzilla?
I: Čudovišče. Orlaš.
D: Kakovo čudovišče?
I: Čudovito i veliko. No, monster. Vekši nek ti.
D: Kak misliš, vekši nek ja? Sem ja čudovišče? Naj duše grešiti… A otkud je te Godzilla?
I: Zmislili su ga v Japanu.
D: A zakaj ga niste vi tu domači zmisleli? Zagorski Godzilla! To bi bilo nekaj.
I: Vsaki kraj ima svega monstera. Babu rogu, Hastermana, coprnice. Za decu plašiti.
D: Lepi odgoj, bokčijska dečica. Kak je visoki te Godzilla? I zakaj ga zmišlaju?
I: Od 50 do 300 metri, kak v kojemu filmu. Ljudeki očeju pobediti nepravdu a su nemočni.
Ak bi bili giganti misle da bi bili močni I premenili svet na bolše. Z druge strane, gda
čudovišče ima 300 metri, dojde im do mozga kak je zlo veliko. Puno put ne znaš ko ga
stori i kašu ti zakuva. Makar, denes se faraoni pohlepena vole faliti, bedaki je vole…
D: Onda ti monsteri delaju harce, kradeju i manipuleraju z svetom. Jel ja to dobro razmem?
I: Tak nekak.
D: Ak ja, vunzemalec kužim stvari, zakaj vi zemalci ne pregledite več jenput?
I: Rekli smo nečemo pulitiku v moju hižu!
D: Ti si gazda. A čuj, kaj znači Godzilla el Niño?
I: Nino je na španskome dečec. Inače to bu veliko nevremena došlo na svet v letu 2027.
Buju poplave, suše, bu vruče i vužgeju se huste, zlo, veliko zlo nas čaka.
D: Kaj to ni oksimoron²? Godzilla je čudovišče veliko kaj nebdeder, a dete.
I: Pitaj WMO³ zakaj se tak zove. Ja nemam niš zotem.
D: Ak te dečec fest ajca, trebamo skopati vekšega bazena v gnoju, za razladiti ga?
I: Tihi ocean bu tepleši za dva stupnja nek inače.
D: Pak ti mene od Poncija do Pilata. Ak Niño ima vručinu a ocevan zakipi…
I: Ne bu zakipel. Bu tepleši nek inače. Ljudeki buju vmirali od vručine. I zveri, ribe…
D: Kak bumo mi bavili? Luknju z vodu imamo.
I: Naredimo plastenika da vrt preživi da je nekaj povrča, ovu jesen spremimo veliko
zimnice, osušimo dva pajceka, spremimo seno pod krov za kravice, bu mlekeca, sira,
putra. Kupimo kuruzu da kokoši imaju kaj zobati, bu koje jajce, travka tu i tam.
D: A kaj buju bokci v gradu?
I: Kak do sad tak odsad.
D: Čuj, a očemo popraviti raketlina i pravac Mevazutra?
I: Ni mislit! Kome bi ja svoje kravice, kokice i hižicu ostavil. Ja se te Godzille ne bojim.
D: Daj mi reči, zakaj te ocean ne porinete vu frižidera?
I: A da je tebe narivlen vu frižidera? Ili bolše, v škrinu?
D: Zakaj, prosim lepo? Nis ja Godzilla.
I: Još gorše. On se navrne sakih deset let a tebe se nikak rešiti!
- KRAJ –
¹prirodni klimatski ciklus u Tihom oceanu
²stilska figura koja u sebi objedinjuje dva proturječna pojma
Manje poznate riječi: Orlaš – orijaš; pohlepene – pohlepa; harc – rat; ajcati – imati vrućinu.
Autorica: Đurđa Vukelić Rožić