Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera-buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: Kakovi je to račun, kaj zotem plačaš?
I: To plačam H Z Z O.
D: Kaj je to?
I: Doktor, betežnica, leki…
D: Zakaj plačaš, am si zdrav?
I: Za slučaj da sem betežen, a nemam obsegurane, bi moral traktora, avuto, morti čak i hižu prodati i platiti račune za lečenje.
D: To je onda kak v Trumperike, kaj ne?
I: Ak i plačam te H Z Z O i jako se razbolim, mogel bi bez hiže ostati, taki.
D: Ak plačaš sejeno bi… Čuj, nis zemalec, ali nis ni bedast! Tu nekaj ne štima.
I: Ja bi si sam moral kupiti skupe leke!
D: A kuliko put ti buju ti tvoji kravosasi hižu zeli?
I: Gdo broji?
D: Kuliko hiž onda ti imaš?
I: Jenu. Ovu.
D: A oni kaj imaju nih osem, zemeju im jenu za vsaki dug?
I: Oni ne plačaju kaj god.
D: Zakaj ti nesi kak oni? Ne razmem. Ak nemaš hižu?
I: Onda penežlivcima plačaš za krov nad glavum.
D: Razmem. Penežlivci su kravosasi.
I: Bu nekaj od te.
D: Ak spiš v tuđe hiže i ne platiš rentu, kaj ti onda kravosasi zemeju, ak ti nemaju kaj zeti?
I: Moraš iti v rešt. Zemeju ti slobodu.
D: Daj-naj! Gde onda ješ i spiš?
I: V reštu. Dobiš jesti, postelu, knige za čtati, moraš se špancirati, vse zabadav. Dobiš leke i ranu, bez brige si.
D: Kak ne vidiš da je to – smešno? Kaj se još more stati ak ostaneš bez vsega?
I: Poiščeš sklonišče za sirotinju.
D: I kaj delaš v sklonišču?
I: Niš. Bogu dane kratiš. Glediš televiziju, kartaš se. Dobiš od države pripomoć i zdrastveno osigurane. Kak koji orsag.
D: Ko plača ta sklonišča i ranu?
I: Država. Cirkva. Bogatuni doneraju peneze.
D: Za neveruvati! Tu zimaju, tam toboš daju… Nekaj ne štima z vama zemlanima.
I: Naj ti mene vređati!
D: Žal, nis štel biti nekulturen.
I: Bum te z metlu ak neš kak se spada.
D: Čuj… a zakaj ti treba hiža, maček, krava, prasica, gnoj i gnojnica? Samo se mučiš, plačaš račune a ostaneš sirotinja?
I: Tak je kak je.
D: V sklonišču ili reštu nemaš brige.
I: Ja imam svoj rešpekt. V reštu su kojekakvi kravosasi, ne bi je štel ni videt ni čut. Oni su zemalska sramota.
D: I raniju je zabadav a sega su nacecali za se?
I: Tak je.
D: Meni se čini, v cele univerze ni pravice… A ja sem mislel da je na pri mene doma bilo gadno i dal petama vetra!
I: Vesmirski je grešiti.
-KRAJ-
Manje poznate riječi: Betežnica – bolnica; obsegurane – osiguranje; orsag – država; rešpekt – poštovanje; cecati -sisati.