Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera-buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: Kaj delaš?
I: Zbrajam račune.
D: Po vesmiru se šlabekuje da vi Zemlani drukate peneze. Kad tam, vi drukate račune!
I: Drukamo i peneze. Nigdar ih dosti, imamo kravosase kaj je cecaju.
D: Koga?
I: Kravosase.
D: Kaj je to te kravosas?
I: Mlečna zmija. Po noči dojde v štalu i ceca mleko z vimena.
D: Za neveruvati!
I: Več kad si pital, to je račun za vodu.
D: Imaš luknju punu vode sredi dvorišča. Čera sem hitil mačka nuter, još se ni vrnul.
I: Za Boga miloga, zakaj si miceka hitil v zdenec?
D: Prasicu nis mogel diči prek stubla.
I: Si ponorel? Bogec micek! Am se vtopil. Sad moram spumpati vodu i čistiti zdenec.
D: Onda najdeš miceka.
I: Ja bum tebe hitil v te zdenec. Naj te hasterman …
D: Kaj je to hasterman?
I: Veliki zeleni vodenak, živi v zdencu.
D: To je za decu plašiti. Zakaj plačaš vodu. To je Bogom dano, kak bi Zemlati laprdate.
I: Hiža je priklučena na vodovoda.
D: Zakaj? Am imaš svoju vodu badava.
I: Za slučaj suše. Znaš kuliko vode popije jena krava na dan? Oko 150 litri.
D: Za neveruvati! Od toga onda dela – belu vodu?
I: Ak tak na to glediš… da… od sena i vode dela belu vodu.
D: Zakaj sam ne pofarbaš vodu? Ni ti onda treba krava. A kaj je ovo?
I: Račun za površinske vode.
D: Kaj to znači, zakaj je plačaš?
I: Za nasipe.
D: Ak ne platiš buju te v gnojčinu hitili?
I: Bi pola stradala od poplave, bi se hižica vtopila.
D: Kaj i maček, znači. A kaj je to?
I: Račun za odvažanje smetja.
D: Ampak ti nemaš smetja. Skoro vse si doma priskrbiš, ne hičeš ambalažum recikleraš! Si zeleni, kaj da si z Marsa opal.
I: Mi selaki tak delamo od vajkada. Navek earth-friendly!
D: Kaj to znači, te earth-friendly?
I: Eco-friendly.
D: Naj se huncutariti zdemu. Am to ni kajkavski. Kaj ti to znači?
I: Prijatelj sem zemlice. I zato sem problem.
D: Ti si problem?
I: Ja i vsi mi selaki-siromaki. Penežlivci i bankari nemaju zarade na nami. Ne plačamo stanarinu jer imamo svoje bokčijske bajte. Ne dižemo kredite, ne bereju kamate. Ne kupujemo kaj nam ni treba.
D: Ak ne platiš račune ti zemeju hižu? Susedov brat je zbugil stan jer ni plačal kredite i poreze.
I: Tak je. Ak ne platiš vse kaj moraš, zemeju ti auto, hižu, kravu…
D: A kaj je to, kakovi račun?
I: Račun za grobarinu. Za moje pokojne.
D: Ak ne platiš, buju im hižu zeli?
———-
Manje poznate riječi: Drukati – štampati; luknja – rupa; stublo – okvir bunara; laprdati – pričati; gnojčina – gnojnica.
– Kraj prvog dijela –