Svemirski brod s Mevazutre zabio se u gnoj iza Ivekove staje. Ivek je s traktorom izvukao raketu iz gnojnice i svemircu nadjenuo ime – Darko. Dar s neba. Izvanzemaljskog tinejdžera-buntovnika okupao je mlazom vode iz sapnice kojom je inače prao staje i svinjce. Darko se ubrzo oporavio od pada i svladao gravitaciju i kajkavicu, globalni zemaljski jezik.
D: To je baš lepa slika, gde si to našel?
I: V dučanu. Kupil sam ju.
D: Je to za na stenu obesiti?
I: To je škatula z komadičkima te slike. Zove su puzzle. Veli se pazl!
D: Vi kajkavci imate čudne reči. Jeno se piše, drugo …
I: To ni kajkavščina. Na rvackomu je slagalica, na engelskomu puzzle.
D: Trubiš mi da je kajkavski najlepši na svetu, a to čudo nema svoje kajkavsko ime?
I: Nema.
D: Sramota.
I: Naj ti pehati v našu kajkavščinu. Puzzla ni bila zmišlena gda se slagala kajkavščina.
D: I to se onda doteplo odnekud? Gemište su delali stari Gerki, purani su pobegli z talijanske lađe kaj je došla z Trumperike, race za mlince su se doteple z Azije. Svinje ste naručili z Kine pred devet jezera let, a ni Amazona još ni bilo.
I: Začkomi več jenput!
D: Otkud se te puzzle dotepla?
I: Z Engelske. Leta 1767. gospon Spilsbury je imenovan izumitelem perve puzzle. Narisal je kartu sveta na drevu i onda ga raspilil na male komadiče. Za školsku decu.
D: Vse orsage je del na paper? Oču reči drevo.
I: Je, nih okraj pedeset. Su dečica lehkejše vučila.
D: To ni točna karta. Rečene je da imate prek 200 orsagov. Je onda Zemla narasla otad?
I: Ni Zemla drevo. Velika carstva su se raspala i posložile su se nove države.
D: Razmem. Puzzla je zaprav frka za slagane.
I: Frka za slagane, otkut ti to?
D: UI mi piše da se puzzlu na kajkavščine more zvati složiti frku ili zložiti kaj.
I: Si ti pri sebe? Da nigda nikomu nesi rekel takvoga kaj. Am bi moji kajkavci digli bunu gda bi znali da im vunzemalec vuz pomoč umetne inteligencije zmišla kajkavščinu!
D: A zmišlati nove orsage je v redu? Daj da endlich vidim te raspileni zemlovid sveta.
I: To ni karta sveta, nek veliki karton ze slikum gore i jezera, zrezan na komadičke.
D: Očeš reči, narede sliku, prodaju ju razrezanu i onda ju zreli ljudi slažeju na vrpu?
I: I deca. Puno put. Po zime je več cajta na selu, tak se zabavlamo.
D: A mislel sem da sem videl vsa zemalska čuda. Moji gore mi nebuju veruvali.
I: Znaš kaj, spačen sam od tvega žlabrana. Kaj sem ja kriv Svevišnemu da mi te je poslal?
D: Odi si lečiti živce slažuči puzzle. Ja idem v SPA za štalum. Zval sem susedu Janicu naj se zmenom namače, a veli da nema badekostima. Daj da to čudo posložim prede.
Darko uzima podložak od kartona s rubovima i trese dijelove puzzle, kao brašno na situ.
I: Kaj delaš?
D: Slažem puzzle.
I: To se tak ne dela. Beš proč. Odi vražjega raketlina popraviti.
D: Si ti pri sebe, ak ga popravim bum moral otiti. A kaj bi ti sam?
———–
Manje poznate riječi: škatula – kutija; spačen – umoran; žlabrati – brbljati; badekostim – kupaći kostim
Autorica: Đurđa Vukelić-Rožić
Slika: Pixabay
